Як захаваць ураджай

Што ж, тысячы тон збожжа гэтымі днямі трапляюць не толькі ў сховішчы сельгасарганізацый, але і на хлебакамбінаты. Праўда, такі шлях у дзясяткі або сотні кіламетраў - зусім не просты. Яшчэ да адпраўкі збожжа могуць адбракаваць - тут усё залежыць не толькі ад умоў жніва, але і захоўвання зерня. А могуць і зусім частку ўраджаю страціць, і нават калі гэта ўсяго пару кілаграмаў, у маштабах краіны гэтыя лічбы могуць быць сур'ёзнымі. А значыць, нязменнае патрабаванне для ўсіх - высокая якасць працы, беражлівае стаўленне і дысцыпліна на ўсіх узроўнях. А таму ў гэтыя дні разам з аграрыямі на палях і ўся вертыкаль улады - кіраўнікі райвыканкамаў, губернатары - па даручэнні Кіраўніка дзяржавы асабіста кантралююць увесь уборачны працэс, каб на месцы не словам, а справай аператыўна вырашаць любыя праблемы. Як захаваць каравай і забяспечыць стопрацэнтную аддачу? На палях і лугах адказы шукалі і нашы карэспандэнты. Расказвае Аляксей Кандраценка (відэа).