Сталіцы плануюць пашырыць гандлёва-эканамічныя, сацыяльныя і культурныя адносіны. Пра гэта заявілі ў гарадской ратушы, дзе адбылося падпісанне адпаведнага пагаднення.
Па выніках мінулага года тавараабарот паміж Ташкентам і Беларуссю вырас да 86 мільёнаў долараў. У сталіцы Узбекістана працуюць 32 прадпрыемствы з беларускім капіталам, прадукцыя якіх карыстаецца попытам на рынку Цэнтральнай Азіі. Напярэдадні адбылася і прэзентацыя знакавага для Узбекістана праекта. Гэта комплекс "Ташкент Сіці", а таксама знаёмства з турыстычным патэнцыялам горада.
І сёння ж дэлегацыя з Ташкента наведала "Белкамунмаш". Госці ўбачылі, як збіраюць электробусы і праехалі на адным з іх. Як расказалі на прадпрыемстве, хутка электробус адправіцца ў Ташкент для тэставых выпрабаванняў. У перспектыве горад плануе закупіць партыю такіх машын.
Віталь Шкуратаў, начальнік упраўлення продажу ў краіны СНД ААТ "Белкамунмаш": "Першую адзінку мы з імі ўзгадняем для правядзення доследнай эксплуатацыі. Па спецыфіцы, гэта цёплы рэгіён, таму салон будзе абавязкова абсталяваны кандыцыянерам. Нашы партнёры з Ташкента рыхтуюць пляцоўку для падключэння зараднай станцыі, узгадняюць маршрут".
Дэлегацыя з Ташкента будзе знаходзіцца ў Мінску да 18 красавіка. У гэтыя дні узбекскія спецыялісты наведваюць прадпрыемствы і арганізацыі, сярод якіх Белкамунмаш, Мінскі гарадскі тэхнапарк і іншыя.
