Чыстую расійскую нафту на беларускай тэрыторыі чакаюць праз двое сутак. Яна паступіць бліжэй да апоўначы 2 мая. Улічваючы адлегласці, на Мазырскі завод сыравіна прыбудзе да гэтай суботы. Наступны этап - выцясненне бруднага прадукту як з расійскага, так і з беларускага ўчасткаў. Яго адправяць у рэзервуарныя паркі ва Унечы і Мазыры. Пакуль жа трубаправод цалкам спынены. Сёння ў 8 раніцы прыём нафты з расійскага боку спынены. Якасная сыравіна зараз на 30-м кіламетры трасы Унеча - Мазыр. Дарогу для яе адкрыюць пасля ачысткі расійскага ўчастку.
Як адзначаюць спецыялісты, гэта дазволіць аднавіць працу толькі адной ніткі трубаправода "Дружба". Другую пакуль выкарыстоўваюць у якасці сховішча для бруднай нафты. Каб цалкам вярнуцца да ранейшага рэжыму працы, спатрэбіцца некалькі месяцаў.
Андрэй Вярыга, першы намеснік гендырэктара - галоўны інжынер ААТ "Гомельтранснафта Дружба": "Мы, вядома, імкнемся ў максімальна кароткія тэрміны запусціць сістэму, але пры гэтым важна разумець, што гэты запуск, які ўсе чакаюць, гэта толькі пачатак шляху. Сістэма будзе працаваць у функцыянальна абмежаваным рэжыме. І згодна з нашай ацэнкай, максімум, які зможа дасягнуць сістэма ў найбліжэйшыя месяцы, гэта 60-65 % сваёй сярэднегадавой загрузкі, якая была яшчэ месяц-два таму намі дасягнута".
Да сённяшняга дня транспарціроўка нафты ішла па "Дружбе" толькі ў кірунку Мазыра. Польскі і ўкраінскі закрылі яшчэ на мінулым тыдні. Беларускі завод меў патрэбу ў сыравіне для забеспячэння патрэбнасцяў унутранага рынку: праца працягвалася на зніжанай магутнасці пры высокіх рызыках для абсталявання. Сёння запасы сыравіны дазваляюць працаваць без зрываў паставак да прыходу на завод чыстай нафты.
