Агульная маркіроўка тавараў - на адзіным еўразійскім рынку! Сёння беларускія сенатары ратыфікавалі пагадненне, якое было дасягнута прэм'ерамі на апошнім міжурадавым савеце ЕАЭС. Дакумент закліканы спыніць кантрафакт і вывесці з ценю цэлыя сектары гандлю. Гэта стане магчымым дзякуючы адзінай інфармацыйнай сістэме, якая будзе адсочваць тавары ад вытворчасці да прылаўка магазіна. Сёння заканадаўцы вызначаюць, якія тавары трапяць у пілотны пералік маркіроўкі.
Рыгор Бысюк, намеснік старшыні Пастаяннай камісіі Савета Рэспублікі Нацыянальнага сходу Беларусі: "У першую чаргу важна, што спажыўцы атрымаюць гарантыю надзейнага тавару. Дарэчы, пагадненне будзе распаўсюджвацца не толькі на футравыя вырабы. Зараз фарміруецца пералік тавараў, на якія будзе наносіцца маркіроўка. І дзеянне гэтага пагаднення будзе распаўсюджвацца і на індывідуальных прадпрымальнікаў, і на юрыдычныя асобы".
Акрамя таго, Савет Рэспублікі прыняў да ўвагі восьмы дэкрэт "Аб развіцці лічбавай эканомікі". А таксама ратыфікавалі пагадненне з Кітаем аб бязвізавым рэжыме. Чакаецца, што наведваць Паднябесную без штампа ў пашпарце беларусы змогуць ужо на працягу найбліжэйшага месяца.
