Беларусь сёлета плануе нарасціць экспарт высокатэхналагічнай прадукцыі на адзін мільярд долараў. Пра гэта сёння паведаміў старшыня Дзяржкамітэта па навуцы і тэхналогіях перад пачаткам прэзентацыі агляду інавацыйнага развіцця краіны, падрыхтаванага сумесна з Еўрапейскай эканамічнай камісіяй ААН. Адзначым, летась экспарт перавысіў планавае значэнне і склаў каля 10 мільярдаў долараў.
Аляксандр Шумілін, старшыня Дзяржкамітэта па навуцы і тэхналогіях Беларусі:
"Беларусь стварае стратэгію развіцця эканомікі на аснове інавацый. У нас дзейнічае трэцяя Дзяржаўная праграма інавацыйнага развіцця. Нам ужо многае атрымалася. У нашых навукоўцаў няма так званага права на рызыку. Зараз усе дзяржаўныя грошы павінны на 100% быць апраўданыя. Але не заўсёды можна гарантаваць поспех. Тут нам эксперты робяць заўвагу, што мы павінны пачаць фінансаваць рызыкоўныя праекты. Сёлета прынята рашэнне 20% фінансавання, якое вылучаецца на дзяржаўныя навукова-тэхнічныя праграмы, накіроўваць на рызыкоўныя праекты".
У аглядзе інавацыйнага развіцця Беларусі адзначаныя і дасягненні краіны. Аднак эксперты паказваюць на неабходнасць развіцця інавацыйнага прадпрымальніцтва, рыначных сістэм фінансавання.
