Таму пацвярджэнне - рэгулярныя сустрэчы на вышэйшым узроўні, нарошчванне тавараабароту і рэалізацыя шэрагу сумесных праектаў. І сёння ў Новасібірску стартавалі Дні Беларусі ў Сібіры. Праграма шырокая. Яна ўключае бізнес-форум, кантактна-кааперацыйную біржу і нацыянальную выставу Беларусі. Такія мерапрыемствы прадугледжваюць канкрэтныя вынікі. Ужо сёння падпісаны шэраг дакументаў па двухбаковым узаемадзеянні.
Усе падрабязнасці з Новасібірска ў Дар'і Белавусавай-Пятроўскай. АТС - адзін з найбуйнейшых расійскіх рэгіянальных тэлеканалаў. Галоўная студыя знаходзіцца ў Новасібірску і 11 філіялаў па вобласці. Сёння першая навіна выпуску - Дні Беларусі ў Сібіры. Каб гэты расійскі рэгіён больш даведаўся пра нашу краіну, сюды прыбыў Старшыня Белтэлерадыёкампаніі - галоўнага медыяхолдынга краіны. Мэта візіту Генадзя Давыдзькі - пазнаёміцца з напаўненнем і структурай тэлеканала АТС і заключыць двухбаковае пагадненне аб супрацоўніцтве. Зараз Беларусь і Новасібірск стануць бліжэйшымі адно аднаму інфармацыйна.
І вядома, галоўным месцам, ядром беларуска-расійскага супрацоўніцтва гэтымі днямі стаў новасібірскі Экспацэнтр. Тут, на плошчы 5 тысяч квадратных метраў, прадэманстравана ўся палітра айчыннай прадукцыі - ад тэхнікі да прадуктаў харчавання. Прыйшоўшы сюды, бізнесмены і жыхары Новасібірска могуць убачыць і паспрабаваць лепшае з маркай Зроблена ў Беларусі.
Сёння ў гонар адкрыцця чырвоную стужку перарэзалі мэр горада Новасібірска і старшыня Беларускай гандлёва-прамысловай палаты. Зараз у Расіі дзейнічае спецыяльная ўрадавая праграма эканамічнага і сацыяльнага развіцця Сібіры да 2020 года. Асноўныя кірункі - будаўніцтва жылля, вытворчасць медыцынскага абсталявання, абнаўленне гарадскога транспарту, развіццё сельскай гаспадаркі, І тут можа дапамагчы беларускі вопыт.
Сібір - магутная сыравінная база Расіі. Тут сканцэнтравана 80% вугалю, 85% свінцу і плаціны, 44% серабра і золата. Для распрацоўкі новых радовішчаў і здабычы карысных выкапняў патрэбна тэхніка. І беларускія МАЗы і БелАЗы ідэальна падыходзяць для такой працы. У Заходняй Сібіры ўжо 6 гадоў працуе сумеснае прадпрыемства Амкадор - Краснаярск. Зараз распрацоўваюць новы кірунак - лесанарыхтоўку. І нашым машынам даступныя любыя маршруты.
Калі параўнаць Сібір з іншымі расійскімі рэгіёнамі, то па аб'ёме беларускага экспарту яна пакуль толькі на 4-м месцы. Каб выйсці ў лідары, трэба ствараць сумесныя вытворчасці і навуковыя лабараторыі. І першы дзень працы Беларускай гандлёва- прамысловай палаты ў Новасібірску ўжо даў вынікі. Сёння падпісаны кантракты на 15 мільёнаў долараў.
Дні Беларусі ў Сібіры - гэта не толькі эканоміка. Сёння ў Новасібірску на адну сцэну выйшлі расіяне і беларусы, каб зліцца разам у песні і танцы.
