Андрэй Кабякоў сустрэўся з прэм'ер-міністрам Сербіі

26 Студзеня 2017

Тавараабарот у 500 мільёнаў долараў, сумесныя гандлёва-інвестыцыйныя кампаніі і зборачныя вытворчасці. Пра ўсё гэта гаварылі сёння кіраўнік беларускага ўрада Андрэй Кабякоў і прэм'ер-міністр Сербіі Аляксандр Вучыч.

Перамовы прайшлі ў вузкім і пашыраным складах. Падпісаны шэраг двухбаковых дакументаў. Андрэй Кабякоў прапанаваў краінам выходзіць на прамыя пастаўкі тавараў, абыходзячы пасрэднікаў. А таксама больш актыўна ўключацца ў стварэнне кааперацыйных сувязяў і сумесных прадпрыемстваў. Беларусь, у прыватнасці, гатовая да рэалізацыі праекта па сумеснай вытворчасці пажарных машын на базе шасі МАЗ. Таксама мы можам прапанаваць аўтобусы МАЗ, тралейбусы і электробусы. Ёсць і перспектывы для павелічэння паставак кар'ернай і будаўнічай тэхнікі.

Андрэй Кабякоў, Прэм'ер-міністр Беларусі:

"За 7 гадоў у рамках рэжыму свабоднага гандлю тавараабарот Беларусі і Сербіі павялічыўся больш як у 5 разоў, перавысіўшы ў рэкордным 2015 годзе 250 мільёнаў долараў ЗША. У 2016 годзе ва ўмовах няпростай эканамічнай сітуацыі нашы паказчыкі значна знізіліся, аднак патэнцыял нашых эканомік дазваляе выйсці на больш інтэнсіўны ўзровень эканамічнага ўзаемадзеяння. Павелічэнне ўзаемнага тавараабароту да 500 мільёнаў долараў ЗША ў найбліжэйшыя гады - гэта рэальная планка двухбаковага супрацоўніцтва".


Папулярныя

Рэкамендуемыя

Зараз чытаюць

Рэкамендуемыя