І аб гэтым ішла размова на сустрэчы прэзідэнта з губернатарам Бранскай вобласці. Аляксандр Лукашэнка і Аляксандр Багамаз абмеркавалі сумесныя праекты. Сённяшні дыялог - своеасаблівая фінішная лінія цэлага шэрагу перамоў. Гэты візіт дэлегацыі з Расіі стаў шостым за апошнія дні. Прэзідэнт назваў Бранскую вобласць вельмі дружалюбным рэгіёнам для нашай краіны. Гэта заклад і добрасуседскіх адносін, і паспяховага партнёрства.
Аб рэалізацыі новых будучых сумесных праектаў Вераніка Бута.
Для Аляксандра Багамаза гэта першая камандзіроўка пасля яго перавыбрання на пасаду губернатара - знак асаблівага стаўлення да нашай краіны. Не менш сімвалічна, што менавіта гэтая сустрэча завяршае "губернатарскі" тыдзень візітаў з Расіі. Бранская вобласць - наш добры сябар і сусед, яшчэ і перспектыўны гандлёвы партнёр.
Лічбы гавораць самі за сябе. 650 млн долараў маем па выніках мінулага года. Сёлета, нягледзячы на пандэмію, калі, здавалася б, гандаль ва ўсім свеце на паўзе, мы пазіцыі не здалі. Нават крышачку дадалі - у асноўным за кошт экспарту, што лагічна.
Нашы канвееры не спыняліся, а значыць, ёсць што прадаваць зараз, калі эканомікі перазапускаюцца. На мінулым Форуме рэгіёнаў нашы магчымасці прадставілі ў поўнай меры.
А. Лукашэнка сустрэўся з губернатарам Бранскай вобласці Расіі
Сёння больш дэталёвы дыялог працягнулі ўжо ў Палацы Незалежнасці.
Лукашэнка і Багамаза аб'ядноўвае не толькі імя, але і акцэнты ў кіраванні: грошы з паветра не зваляцца, трэба працаваць, пралічваць кожны крок - упэўненыя і прэзідэнт, і губернатар.
Што датычыцца двухбаковага тавараабароту, то кіраўнік дзяржавы ацаніў яго як "нядрэнны".
Рэгіёны - базіс саюза Мінска і Масквы
Рэгіёны - аснова інтэграцыі дзвюх краін і базіс саюза Мінска і Масквы. Эканамічная цесная праца з нашымі ўсходнімі суседзямі зараз адна з ключавых задач. А рэгулярныя сустрэчы з губернатарамі на вышэйшым узроўні - толькі пацверджанне сур'ёзнасці нашых намераў.Прадукты харчавання, аграрная і будаўнічая тэхніка - нашы эканамічныя казыры ў гэтым рэгіёне. Дамовіліся пазіцыі ўмацоўваць. Актыўна прапрацоўваюць пытанне зборкі БелАЗаў. Бранск - адна з магчымых пляцовак. Паглыбіць партнёрства разлічваюць і з "Амкадорам". Ужо збіраюць універсальныя пагрузчыкі і снегаачышчальнікі, жадаюць лінейку дапоўніць дарожна-будаўнічай тэхнікай.
Ад гандлю да прамкааперацыі
Прадпрыемства "Брансксельмаш" - знакавы прыклад вытворчай кааперацыі з расіянамі. З Гомеля адгружаюць машынакамплекты, а тут затым рэалізуюць ужо гатовыя машыны. Планы на гэты год - сабраць больш за 800 адзінак на суму звыш 12,5 мільёна долараў. Пастаўляючы тэхніку аграрыям, яны забяспечваюць прамысловую бяспеку Расіі.
Бранская вобласць для Беларусі, зрэшты, як і наадварот, адзін з ключавых партнёраў. І гэта не дзяжурная фраза. Сувязі даўнія і вельмі моцныя. Больш за траціну знешнегандлёвага абароту расійскага рэгіёна прыпадае менавіта на нашу краіну.
І тут два ключавыя словы: мы гатовыя і галоўнае - можам. Падзяліцца вопытам, падключыцца да праектаў, удзельнічаць у тэндарах. Прыклады нашых магчымасцяў шукаць доўга не трэба. Сучасныя аўтатрасы госці заўважылі яшчэ па дарозе ў сталіцу.
У Бранскай вобласці, дарэчы, таксама зараз разгарнулася будаўніцтва: і дарожнае, і жыллёвае. Можам, дарэчы - рэкламуе нашых спецыялістаў прэзідэнт.
А беларускія калійныя ўгнаенні ў рэкламе сапраўды не маюць патрэбы. Бранску ў гэтым плане пашанцавала. Па-суседстве - на Гомельшчыне - неўзабаве пачне працаваць новае прадпрыемства па здабычы і вытворчасці ўгнаенняў. Планы на яго ў нашых партнёраў ужо ёсць.
Прамыя кантакты - зарука поспеху
Пакет прапаноў нашай краіны і цікавасць расійскай у многіх рэгіёнах падобныя. Сённяшняя сустрэча з расійскай дэлегацыяй шостая літаральна за тыдзень.
Пра такі актыўны эканамічны перазапуск суседзяў дамовіліся нядаўна ў Сочы Аляксандр Лукашэнка і Уладзімір Пуцін. Зарука поспеху - прамыя кантакты, не сумняваюцца лідары.
Траціна мільярда долараў прынесла толькі адно турнэ нашага пасла і міністра прамысловасці ў верасні па Расіі.
Рэальная ўзаемная выгада ад такога фармату працы ў наяўнасці - гэта паказалі і вынікі мінулага Форуму рэгіёнаў. Кожны візіт - гэта новыя кантракты і сумы пад імі. Унёсак у агульную скарбонку вялікі.
Рэкордная сума кантрактаў у гісторыі гэтага форуму - гэта сапраўды важна. Важныя і ўпэўненыя планы на будучыню. Беларусь і Бранская вобласць падпісалі праграму супрацоўніцтва на 3 гады. Але што асабліва каштоўна, дык гэта ўпэўнены крок насустрач адзін аднаму, які Беларусь і Расія зрабілі на тыдні, пачынаючы з асобных рэгіёнаў, заканчваючы афіцыйнымі Мінскам і Масквой.
