Ухіляць бар'еры ў гандлі з Расіяй і пашыраць пералік тавараў для экспарту ў Еўрасаюз - аб неабходнасці вырашэння гэтых задач гаварыў сёння прэм'ер-міністр Андрэй Кабякоў на пасяджэнні прэзідыума Саўміна.
Гаворка ішла аб выніках працы па нарошчванні і дыверсіфікаванні экспарту за 9 месяцаў года. Лічбы гавораць аб паніжэнні паказчыкаў на 12,5% у параўнанні з такім жа перыядам 2015-га. Аднак станоўчае сальда знешняга гандлю захоўваецца. Павялічыўся і лік краін - нашых пакупнікоў, у асноўным гэта далёкае замежжа. Паступленні ж ад продажаў у Еўропу знізіліся, у асноўным за кошт скарачэння вартасных аб'ёмаў экспарту нафтапрадуктаў. Вялікія надзеі сёння ўскладаюцца на пастаўкі нашых прадуктаў харчавання на рынак Кітая і прамысловых тавараў у краіны "Далёкай дугі".
