Затор на Мінскай кальцавой у раёне гродзенскай трасы з-за ДТЗ

Гэтыя кадры мы атрымалі яшчэ да прыезду ДАІ. Са слоў шафёра грузавіка, невядомы аўтамабіль падрэзаў МАЗ, у выніку чаго вадзіцель самазвала экстранна тармазіў, але не справіўся з кіраваннем. Машыну занесла, грузавік урэзаўся ў раздзяляльную агароджу і апынуўся на сустрэчнай паласе. Зараз на месцы працуе дарожная міліцыя. У выніку ДТЗ пашкоджанні атрымалі чатыры аўтамабілі. Пацярпелых няма.