Не ўлічыў стан дарожнага пакрыцця і ўмовы надвор'я пры выбары хуткасці вадзіцель Volkswagen на з'ездзе з праспекта Незалежнасці на МКАД і наехаў на асвятляльную мачту. Машына атрымала механічныя пашкоджанні. Пацярпелых няма.
Заснежаныя дарогі ўскладняюць рух транспарту
Няўстойлівае снежнае надвор'е захаваецца на працягу бліжэйшых дзён. Прагназуецца мокры снег, мяцеліца, месцамі галалёдныя з’явы. У сувязі з пагаршэннем умоў надвор'я, ДАІ заклікае вадзіцеляў быць больш уважлівымі на дарозе, праверыць спраўнасць фар і шклоачышчальнікаў. Неабходна захоўваць дыстанцыю і не парушаць хуткасны рэжым.
