Новыя падрабязнасці рэзананснай справы аб нападзе гімназіста на настаўніцу сёння паведаміў Следчы камітэт. Дзевяцікласнік Данат Скакун нанёс нажавыя раненні педагогу ў вобласць шыі, грудзей і рук. Сляды крыві настаўніцы знайшлі на адзенні школьніка. Акрамя таго, на яго руцэ выявілі рэзаную рану.
Карціну таго дня следчыя ўзнавілі літаральна па хвілінах. У 8 гадзін 12 хвілін Данат Скакун прыйшоў у школу для пераздачы верша па рускай літаратуры. Гэта і стала матывам нападу, растлумачылі следчыя. Вучань нанёс сваёй настаўніцы 17 нажавых раненняў.
Паводле звестак экспертызы, у момант злачынства школьнік усведамляў свае ўчынкі. Яго дзеянні былі кваліфікаваныя як замах на забойства, учыненае з асаблівай жорсткасцю. Вярхоўны суд прыгаварыў гімназіста да 8-мі гадоў выхаваўчай калоніі.