У Мінску на плошчы Перамогі вадзіцель BMW знёс памятны знак "Кіеў". Надзвычайнае здарэнне адбылося напярэдадні ўначы. Акалічнасці аварыі пакуль не паведамляюцца. Вядома, што за рулём знаходзіўся 24-гадовы хлопец, машыну ён узяў напракат. Была яшчэ і дзяўчына-пасажыр. Па нейкай прычыне аўтамабіль вылецеў з дарогі да мемарыяла, зачапіў знак і ўрэзаўся ў дрэва. Пасля інцыдэнту спадарожніца знікла. У размове з супрацоўнікамі ДАІ малады чалавек сцвярджаў, што яго падрэзаў нейкі белы аўтамабіль. Аднак пасля прагляду камер назірання версію вадзіцеля ў ДАІ не пацвердзілі. Ідзе разбор.