Спецыялісты высвятляюць прычыну ўзнікнення пажару ў Астрашыцкім Гарадку

Спецыялісты высвятляюць прычыну ўзнікнення пажару ў Астрашыцкім Гарадку, у выніку якога загінула жанчына. Ратавальнікі знайшлі яе ў кватэры на першым паверсе, медыкі канстатавалі смерць. Вядома, што жанчына 1956 года нараджэння знаходзілася ў гасцях. З другога паверха супрацоўнікі Міністэрства па надзвычайных сітуацыях вывелі на паветра жанчыну і яе 8-гадовую дачку. Жыхары астатніх кватэр, якія скардзіліся на пах гару ў пад'ездзе, самастойна пакінулі памяшканні.