Матэрыялы перададзеныя пракурору для накіроўвання ў суд. Артыкул - "Прымяненне гвалту ў дачыненні супрацоўніка органаў унутраных спраў у мэтах перашкоджвання яго законнай дзейнасці". Інцыдэнт адбыўся ўвечары 10 жніўня ў Баранавічах. 25-гадовы вадзіцель за рулём "аўдзі" наўмысна наехаў на праваахоўніка і ўцёк. Раней фігурант не прыцягваўся да крымінальнай адказнасці і добра характарызуецца на працы. Таму да яго ўжытая мера спынення ў выглядзе падпіскі аб нявыездзе.
Хутка суд разгледзіць крымінальную справу і аб супраціўленні супрацоўніку органаў унутраных спраў падчас выканання ім абавязкаў па ахове грамадскага парадку. 13 верасня ў сталіцы на вуліцы Мельнікайтэ падчас затрымання ўдзельнікаў мітынгу невядомыя павалілі міліцыянера на зямлю і збілі яго. Адзін з іх (34-гадовы мужчына) знаходзіцца пад вартай.
