Сур'ёзнае ДТЗ у Віцебскай вобласці. Раніцай пад Бешанковічамі школьны аўтобус, па версіі ДАІ, не саступіў дарогу і сутыкнуўся з маршруткай. У салоне аўтобуса было 15 школьнікаў (яны не пацярпелі), а вось 9 пасажыраў іншай машыны шпіталізаваныя ў раённую бальніцу для агляду. З іх чацвярых шпіталізавалі. Абодва вадзіцелі на момант аварыі былі цвярозымі.
Станіслаў Салавей, старшы інспектар па асаблівых даручэннях УДАІ МУС Беларусі: "Варта адзначыць, што летась на гэтым скрыжаванні ўжо былі два аналагічныя ДТЗ, у выніку якіх адзін чалавек загінуў, яшчэ адзін атрымаў раненні. І па ініцыятыве Дзяржаўтаінспекцыі там былі ўсталяваныя штучныя няроўнасці на другараднай дарозе, што ў сваю чаргу дазволіла ў дадзенай сітуацыі знізіць хуткасць школьнага аўтобуса і, магчыма, пазбегнуць больш цяжкіх наступстваў гэтага ДТЗ".
Праверка працягваецца. Падрабязнасці ў нашых наступных выпусках.
