Сям'я з Беларусі загінула ў аварыі пад Навасібірскам

Сям'я з Беларусі загінула ў аварыі пад Навасібірскам, у тым ліку і 9-гадовае дзіця. Паводле інфармацыі Дзяржаўнай інспекцыі бяспекі дарожнага руху Навасібірскай вобласці, загінуўшыя беларусы з Брэста. Мяркуючы па прозвішчах і імёнах па бацьку, вадзіцель і 2 дарослыя пасажыры - сям'я, муж, жонка і сын. Хлопчык 2007 года нараджэння - верагодна, нейкі блізкі сваяк, пакуль ідзе праверка. ДТЗ адбылося сёння каля 11 раніцы прыкладна за 100 кіламетраў ад Навасібірска. Паводле папярэдняй інфармацыі, 58-гадовы вадзіцель за рулём "сітраэна" беларускай рэгістрацыі, меркавана, заснуў за рулём. Пасля гэтага аўтамабіль выехаў на сустрэчную паласу і ўрэзаўся ў грузавую фуру "вольва". У ДТЗ загінулі шафёр і трое яго пасажыраў - 54-гадовая жанчына, 32-гадовы мужчына і 9-гадовы хлопчык. Вадзіцель фуры ў аварыі не пацярпеў.