У Заводскім судзе пасля перапынку прадоўжыўся разбор па крымінальнай справе ў дачыненні да галоўнага рэдактара "Тут Бай Медыя" Марыны Золатавай. Артыкул - "Бяздзейнасць службовай асобы".
Нагадаем, летась спецыялісты МУС знайшлі шматлікія факты неправамернага доступу да камп'ютарнай інфармацыі, уласнікам якой з'яўляецца Беларускае тэлеграфнае агенцтва, з боку выдавецкага дома "Беларуская навука", БелаПАН і Tut.by. З часам крымінальнае праследаванне ўсіх фігурантаў за выключэннем рэдактара аддзела "Тут Бай Медыя" было спынена. Яны пагасілі ўрон і заплацілі штраф. І як паведамілі ў Следчым камітэце, Золатава неаднаразова звярталася з хадайніцтвам аб спыненні ў дачыненні да яе крымінальнага праследавання, прызнаючы тым самым, што бяздзейнічала і не спыніла ўчыненне злачынства з боку сваіх падначаленых. Аднак ёй было адмоўлена. Як палічыла следства, у яе паводзінах угледжвалася процідзеянне расследаванню справы, не было шчырага раскаяння ва ўчыненым, Золатава толькі турбавалася за сваю далейшую кар'еру і пакаранне.
