Слуханні па гучнай крымінальнай справе сёння праходзілі ў судзе Цэнтральнага раёна Мінска. Маладога чалавека абвінавачваюць па двух артыкулах - супраціўленне супрацоўніку міліцыі і парушэнне правілаў дарожнага руху. Байкер сваю віну не прызнаў. Нагадаем, ДТЗ адбылося ў красавіку. Супрацоўнік ДАІ паспрабаваў спыніць матацыкліста. Той выехаў на чырвоны сігнал святлафора па трамвайных пуцях, праігнараваў патрабаванне і паехаў далей, працягнуўшы за сабой міліцыянера. На скрыжаванні байк сутыкнуўся з аўтамабілем. Інспектар атрымаў сур'ёзныя траўмы і паўтара месяца быў у коме.
Жанна Шаўцова, маці абвінавачанага: "Я ведаю свайго сына, і ўсе, хто з ім сустракаўся і перасякаўся па працы, пра яго нічога дрэннага не могуць сказаць. Наконт яго прыстойнасці і паводзінаў - ён цалкам адэкватны, разумны чалавек. Тое, у чым яго абвінавачваюць, ён бы ніколі гэтага не ўчыніў".
Суд сёння дапытаў сведак ДТЗ. Расследаваннем справы займалася галоўнае следчае ўпраўленне СК. Абвінавачанне падтрымлівае генпракуратура.
