Парашок (каля 75 грамаў), падобны на мефедрон, канфіскавалі сталічныя байцы наркакантролю ў Мінску. Размова можа ісці аб незаконным канале пастаўкі наркотыкаў у Беларусь. Экспертыза пацвердзіла: у складзе парашка ёсць забароненыя рэчывы. Падазроны груз даставілі з Расіі. Пасылку перадалі кіроўцу маршруткі. Той аб змесціве пакавання не ведаў. Неўзабаве ў нашу краіну прыбылі меркаваныя ўладальнікі пакета. Паводле папярэдняй інфармацыі, маладыя людзі працуюць на інтэрнэт-магазін па продажы наркотыкаў. Яны ўраджэнцы Беларусі.
У наркакантролі Беларусі адзначаюць узмацненне наркапагрозы звонку. За год у краіне канфіскавана больш за тону наркотыкаў і львіная доля ішла транзітам праз Беларусь у краіны Еўрасаюза і на тэрыторыю ЕАЭС. На тыдні стала вядома аб затрыманні лідараў некалькіх транснацыянальных злачынных арганізацый, ланцужок да якіх прывёў ад затрыманняў наркакур'ераў на беларускай зямлі. Так, у Малдове новы паварот набыла аперацыя, названая найбуйнейшай за дзесяцігоддзе ў Еўропе. Нашы праваахоўнікі дапамаглі не толькі вылічыць злачынцаў, але і сабраць доказы. Усе падрабязнасці - у эксклюзіўным рэпартажы "Галоўнага эфіру" ў нядзелю.
