Небывалая актыўнасць і агрэсіўнасць вос назіраецца ў Слуцку

Восы атакуюць Слуцк! Некалькі выпадкаў нападу ядавітых насякомых зафіксавана за выхадныя. Так, у вёсцы Мялешкі рой вос напаў на жанчыну, брыгада хуткай дапамогі канстатавала смерць ад анафілактычнага шоку. Восы нападаюць і на дзяцей. Адзін выпадак адбыўся ў дзіцячым садзе, іншы - у гарадскім двары. На ліквідацыю асіных гнёздаў выязджалі супрацоўнікі МНС. Спецыялісты фіксуюць небывалую актыўнасць і агрэсіўнасць ядавітых насякомых. Толькі за верасень ратавальнікам паступіла 20 зваротаў ад мясцовых жыхароў.