У Следчым камітэце пракаментавалі акалічнасці расследавання смяротнага ДТЗ на праспекце Пераможцаў. Разгляды крымінальнай справы завяршыліся. Матэрыялы перадалі пракурору для накіравання ў суд. Як распавялі ў СК, тармазная сістэма, рулявое кіраванне і хадавая частка грузавіка былі няспраўныя. Апошні раз тэхагляд аўто праводзілі ў 2015 годзе. Таксама следства высветліла, што вадзіцель меў магчымасць адвесці машыну ад пешаходнага пераходу і выехаць на газон.
Нагадаем, надзвычайнае здарэнне адбылося ў Мінску ў снежні 2017 года на пешаходным пераходзе каля гандлёвага цэнтра "Замак". У групу людзей, якія перасякалі дарогу на зялёны сігнал святлафора, урэзаўся грузавік. Загінула 11-гадовая дзяўчынка, траўмы атрымалі яе бабуля, брат, а таксама яшчэ двое мінакоў.
