Беларуска загінула ў Егіпце пры дзіўных акалічнасцях

Сям'я беларускі, якая загінула пры дзіўных акалічнасцях у Егіпце, звярнулася ў МЗС нашай краіны з просьбай дапамагчы хутчэй вярнуць дзяцей на радзіму. Брат Вольгі Чарнецкай лічыць, што малалетнім дзецям пагражае небяспека. Пяты дзень яны знаходзяцца ў Егіпце без нагляду сваякоў або блізкіх людзей. За дзецьмі прыглядвае невядомы егіпцянін. Акрамя таго, родныя просяць пачаць праверку, ці няма крыміналу ў смерці жанчыны. Адпаведныя лісты сваяк таксама накіраваў у Міністэрства адукацыі, у Адміністрацыю Прэзідэнта і ў пракуратуру.