Зіма нечакана вярнулася ў Еўропу

Наймацнейшая снежная бура абрынулася на французскія Альпы. Без электрычнасці засталіся каля 50 тысяч домаўласніцтваў. У дэпартаменце Верхняя Савоя да абясточаных населеных пунктаў не могуць дабрацца спецыялісты - дарогі заваленыя дрэвамі.

Снег выпаў і ў П'емонце, а таксама іншых рэгіёнах на поўначы Італіі. Вышыня снежнага покрыва склала сто сантыметраў. На астатняй частцы Італіі ішлі дажджы, якія суправаджаліся моцным ветрам.