У Маскоўскім абласным судзе сёння вынесены прысуд у адносінах да чатырох фігурантаў справы аб падрыхтоўцы тэракта ў аэрапорце Дамадзедава. Ён быў учынены ў студзені 2011-га смяротнікам. Тады загінулі 37 чалавек, 172 атрымалі раненні. У якасці абвінавачаных па справе праходзілі Іслам і Ілез Яндыевы і Башыр Хамхоеў - усе трое атрымалі пажыццёвыя тэрміны. Яшчэ адзін абвінавачаны Ахмед Яўлоеў атрымаў 10 гадоў турмы. Усім ім інкрымінаваліся адразу некалькі злачынстваў, у тым ліку тэракт, забойства дзвюх і больш асоб, бандытызм і іншыя. Як лічыць следства, падрыў самаробнага выбуховага прыстасавання з паражальнымі элементамі зрабіў тэрарыст-смяротнік Магамед Яўлоеў - удзельнік банды, што ўваходзіў у склад створанай Доку Умаравым злачыннай групоўкі Імарат Каўказ.
