Не цырымоняцца з незадаволенымі і ва Украіне - сёння каля будынка Вярхоўнай рады адбылася сутычка паміж мітынгуючымі прадпрымальнікамі і паліцыяй. Падчас бойкі затрымалі лідара руху "SaveФОП" Сяргея Дароціча. Просьбу назваць прычыну затрымання сілавікі спачатку ігнаравалі, а затым абвінавацілі затрыманага ў ігры на камеру.
Мітынг ля Рады: нардэпы сёння павінны разгледзець праўкі ў Падатковы кодэкс
Сёння ў Радзе павінны разгледзець папраўкі па індывідуальных прадпрымальніках у заканадаўчыя акты і Падатковы кодэкс. Галоўнае патрабаванне мітынгуючых - адмена ўскладнення падаткаабкладання. Падчас супрацьстаянняў з паліцыяй пашкодзіла нагу адна з актывістак. А пакуль ля будынка Рады ішла бойка, народныя выбраннікі выдаліліся на перапынак адразу пасля адкрыцця пленарнага пасяджэння.
Нардэп ад "Слугі народа" Максім Бужанскі вось як своеасабліва ў тэлеграм-канале растлумачыў прычыну перапынку: "Перад рашучай бітвай з алігархамі ўзялі 30 хвілін паўзы чыста пажраць і пабалбатаць. Зараз дап'ем каву, гультаяватай пстрычкай адправім ва ўрну апошні недакурак і натуральна задушым гідру галаруч".
