У Вялікабрытаніі без вестак прапалі сотні дзяцей-бежанцаў

У Вялікабрытаніі без вестак прапалі сотні дзяцей-бежанцаў, якія прыбылі без суправаджэння дарослых. На новым месцы сацыяльныя службы традыцыйна размяркоўваюць іх у дзіцячыя дамы або прыёмныя сем'і. Аднак за апошнія два гады больш за 360 дзяцей бясследна зніклі. Часта ад нежадання апынуцца зноў у стрэсавай сітуацыі яны хаваюцца. Але ёсць і іншая версія. Прычынай знікнення могуць быць гандляры людзьмі. Усяго на тэрыторыі ЕС на гэты момант лічацца прапаўшымі каля 10 000 дзяцей.