У Стамбуле затрыманы падазроны ў тэракце

У Турцыі затрымалі падазронага ва ўчыненні тэракта ў цэнтры Стамбула. Як заявіў кіраўнік МУС краіны, за выбухам стаяць забароненыя ў Турцыі курдскія арганізацыі, якія дзейнічаюць у Сірыі. Акрамя таго, праваахоўнікі пачалі расследаванне ў дачыненні да 25 карыстальнікаў сацсетак, якіх западозрылі ў правакацыях вакол сітуацыі з тэрактам. Выбух прагрымеў напярэдадні на вуліцы Істыкляль. Загінулі 6 чалавек, пацярпелых больш за 80. Спачуванні Прэзідэнту Турцыі ад імя беларускага народа і сябе асабіста накіраваў Аляксандр Лукашэнка. Прэзідэнт Беларусі перадаў словы падтрымкі блізкім загінуўшых і пажадаў хутчэйшага выздараўлення пацярпелым.