Малдове пагражае дэфіцыт электраэнергіі. Мясцовая ДРЭС з сённяшняга дня скарачае пастаўкі электрычнасці да 24 %. Як заяўляюць улады, гэта вымушаная мера ва ўмовах недахопу газу. Звычайна станцыя забяспечвае 70 % электраэнергіі, што спажываецца ў краіне, 30 % Малдова закуплівае ў Румыніі, аднак гэтыя пастаўкі не пакрываюць усіх патрэб. Міністр інфраструктуры Малдовы заклікаў прадпрымальнікаў да эканоміі: адключаць рэкламнае або дэкаратыўнае асвятленне, змяніць час вытворчасці, па магчымасці выкарыстоўваць індывідуальныя генератары.
