Мэру горада Шылале паступіла скарга, што разам з працаўнікамі хуткай дапамогі прайшлі вакцынацыю тыя, каму гэта было не паложана. Па-за ўсталяваным парадкам прышчэпку зрабілі ўладальніку прыватнай медыцынскай фірмы і членам яго сям'і. Як мінімум у чатырох медустановах прышчэпкі ад каранавіруса зрабілі асобам, якія на гэта пакуль не мелі права.
Г. Наўседа: Вакцынацыя без чаргі - агідны цынізм
На здарэнне адрэагаваў асабіста прэзідэнт Літвы. Гітанас Наўседа назваў гэта "агідным цынізмам. А спробы выкарыстаць вядомасць уплывовых знаёмых або сваякоў для атрымання вакцыны раней за іншых - падрывам ідэі справядлівасці ў дзяржаве".
