У Ізраілі пабіты рэкорд па недахопе вады ў прыродных крыніцах

У Ізраілі з-за засухі пабіты адмоўны рэкорд па недахопе вады ў прыродных крыніцах. У іх не хапае 2,5 мільярда кубаметраў. Нават калі зіма выдасца вельмі дажджлівай, гавораць спецыялісты, гэта не выратуе становішча. Зараз у краіне ўведзены рэжым эканоміі вады. Скарачаюцца квоты на паліў прыватных участкаў. Абмяркоўваецца стварэнне новых апрасняльных станцый і перавядзенне вады ў Кінерэт - асноўную водную артэрыю Ізраіля, дзе да канца лета ўзровень вады стане крытычным.