Услед за падземнымі штуршкамі ў цэнтральнай частцы магнітудай амаль 6 адбылося каля 70 афтэршокаў. На шчасце, абышлося без ахвяр, але, тым не менш, паступаюць даныя аб разбурэннях. Некаторыя дамы знішчаныя цалкам. Яшчэ дзве трэці сталі небяспечнымі для пражывання. Улады тэрмінова арганізавалі пункты размяшчэння пацярпелых, дзе іх забяспечылі ўсім неабходным.
Джуліяна Пазаліні, мэр г. Віса (Італія): "Спачатку мы ўпэўніліся, што ў выніку землетрасення няма ахвяр, цяжка траўміраваных і знікшых без вестак людзей. Зараз мы імкнёмся забяспечыць пацярпелых ад стыхіі сродкамі першай неабходнасці. У першую чаргу гэта пітная вада і ежа. Мы арганізавалі месцы часовага размяшчэння для тых, хто застаўся без жылля. Адзначым, што зараз 2/3 будынкаў з'яўляюцца небяспечнымі для пражывання".
Эпіцэнтр стыхіі знаходзіўся паміж гарадамі Перуджа і Мачэрата. У суседніх гарадах з-за небяспекі паўтору штуршкоў эвакуіравалі насельніцтва. Нагадаем, напрыканцы жніўня з-за моцнага землетрасення ў цэнтральнай Італіі загінулі 300 чалавек.
