У Ісландыі праз афшорны скандал пройдуць датэрміновыя выбары

Урад мае намер правесці іх увосень, а апазіцыя будзе дамагацца галасавання ў найбліжэйшыя месяцы. Пасада прэм'ер-міністра засталася за Прагрэсіўнай партыяй. Яе лідар Сігмюндур Гюнлейгсан быў змушаны перадаць паўнамоцтвы кіраўніка ўрада свайму аднапартыйцу - міністру рыбалоўства Сігурдуру Ёхансану. Нагадаем, паведамленні пра адстаўку з'явіліся напярэдадні - гэта злучалі з тым, што імя Гюнлейгсана фігуруе ў "панамскіх дакументах", прысвечаных афшорным кампаніям.