Тэрмінал міжнароднага аэрапорта ў Маямі быў закрыты з-за стральбы

Тэрміновыя навіны прыходзяць з Маямі. Тэрмінал міжнароднага аэрапорта быў закрыты з-за інцыдэнту са стральбой. Паліцыя ліквідавала чалавека з нажом, які спрабаваў забрацца на дах аднаго з тэрміналаў з боку лётнага поля. Відавочцы гавораць, што ён быў п'яны. Частку аэрапорта эвакуіравалі. Нагадаем, на ўсёй тэрыторыі Фларыды дзейнічае рэжым надзвычайнай сітуацыі з-за набліжэння разбуральнага ўрагану "Ірма". Аэрапорты штата перагружаныя з-за вялікай колькасці ахвотнікаў пакінуць магчымую зону стыхійнага бедства.