Дзве з паловай гадзіны з моманту старту - палёт нармальны. "Саюз МС-11" быў паспяхова выведзены на арбіту. На МКС накіроўваецца міжнародны экіпаж у складзе расіяніна Алега Кананенкі і астранаўтаў са Злучаных Штатаў Амерыкі і Канады Эн Мак-Клейн і Давыда Сен-Жака. Стыкоўка са станцыяй павінна адбыцца ў 20:36 па маскоўскім часе.
Гэта першы пілатуемы запуск "Саюза" пасля кастрычніцкай аварыі. Экспедыцыя правядзе на МКС 194 дні – трэба будзе правесці дзясяткі навуковых эксперыментаў і зрабіць выхад у адкрыты космас.
