Расія і ЗША могуць спыніць авіязносіны

Масква абвінавачвае Вашынгтон у наўмыснай затрымцы выдачы амерыканскіх віз не толькі радавым грамадзянам, але і расійскім пілотам. Афіцыйны тэрмін чакання рашэння па візе, які раней складаў 85 дзён, зараз павялічыўся да 250. Згодна з расійска-амерыканскім пагадненнем аб паветраных зносінах ад 1994 года, менавіта амерыканскі бок адказвае за своечасовае афармленне віз для персаналу паветраных суднаў. У кампаніі "Аэрафлот", адзінай, якая рэгулярна ажыццяўляе рэйсы паміж Расіяй і ЗША, праблему з візамі ў экіпажа пацвердзілі.