Прэзідэнт Чэхіі заявіў аб немагчымасці інтэграцыі мусульман у еўрапейскае грамадства

Прэзідэнт Чэхіі Мілаш Земан заявіў аб немагчымасці інтэграцыі мусульман у еўрапейскае грамадства. Палітык папярэдзіў аб узмацненні міграцыйнага крызісу і аб значным пагаршэнні сітуацыі з бяспекай. Паводле яго слоў, мусульманская культура надта моцна адрозніваецца ад еўрапейскай, таму бежанцы з ісламскіх дзяржаў навязваюць свае традыцыі, у тым ліку ў адносінах да жанчын. Гэта наглядна прадэманстравалі нядаўнія інцыдэнты ў нямецкіх гарадах. У прыватнасці, у Кёльне, дзе сотні нямецкіх жанчын падвергліся сексуальнаму насіллю з боку групы мігрантаў. На гэтым фоне нямецкія ўлады абмяркоўваюць змяненні ў дзеючае заканадаўства, каб спрасціць магчымасць дэпартацыі іншаземцаў. Між тым у Дзюсельдорфе падчас паліцэйскай спецаперацыі былі затрыманыя 40 чалавек - большасць з іх падазраецца ў парушэнні міграцыйнага заканадаўства. Некаторых могуць абвінаваціць таксама ў крадзяжах.