Перамір'е падчас свята Рамадан

Новы лідар сірыйскай апазіцыі Ахмад Джабра прапанаваў уладам Дамаска заключыць перамір'е ў Хомсе на час святога свята Рамадан. Яно пачынаецца заўтра. Горад Хомс зараз акружаны ўрадавымі войскамі, але некаторыя яго кварталы ўсё яшчэ кантралююць ісламісты. Джабра таксама заявіў, што апазіцыя не паедзе на жэнеўскую канферэнцыю па Сірыі, якую арганізуюць ЗША і Расія і выказаў надзею на хутчэйшую пастаўку зброі паўстанцам з Саудаўскай Аравіі. Тым часам урадавая армія знайшла на ферме на поўдні краіны сховішча небяспечных хімічных рэчываў. Улады сцвярджаюць, што яно належала паўстанцам. У наваколлях Дамаска выяўлены і 500-метровы тунэль, які баевікі выкарысталі для перакідкі боепрыпасаў.