Міністр бюджэту краіны, які больш за ўсіх выступаў за поўную фінансавую празрыстасць, як высветлілася, сам на працягу 20 гадоў хаваў свае прыбыткі. Зараз ужо былы міністр актыўней за іншых падтрымліваў і ўвядзенне 75-працэнтнага падатку для багатых. Першая адстаўка ва ўрадзе Аланда - вялікі ўдар па рэпутацыі прэзідэнта і ўсяго ўрада.
Тэму працягне Юлія Табалевіч.
Новы скандал з міністрам - справа рук французскага выдання навін Медыяпарт. Яно - як электрашокер для французскіх палітыкаў. То раскапаюць, што Сарказі браў у прыватнай асобы грошы на перадвыбарную кампанію. А зараз вось высветлілі, што міністр бюджэту Жэром Каюзак - галоўны барацьбіт з падатковымі ўхілістамі - сам хаваў грошы ў банку. І не ў роднай Францыі, дзе падаткі плаціць трэба, а ў Швейцарыі.
(Эдві Пленель, дырэктар інтэрнэт-выдання Медыяпарт:
Толькі праз чатыры месяцы, калі справа выклікала шырокі рэзананс у французскім грамадстве, Жэром Каюзак застаўся не толькі без крэсла і партбілета, але і сур'ёзных палітычных перспектыў. Затое перад ім адкрыліся іншыя гарызонты - судовыя. У адпаведнасці з французскім заканадаўствам, яму пагражае штраф і да 5 гадоў турмы. Але галоўнае пытанне, якое сёння хвалюе французскія СМІ: ці ведаў пра гэта Франсуа Аланд.
(Жан-Франсуа Капе, старшыня партыі Саюз за народны рух:
Сам прэзідэнт, зразумела, упэўнівае, што нават не здагадваўся аб падатковых махінацыях свайго калегі. Таго ж боку прытрымліваюцца і калегі Каюзака. Яны адмаўляюцца ад апальнага палітыка і ўпэўніваюць, што абураюцца яго паводзінамі не менш, чым грамадскасць.
( Жан-Марк Эйро, Прэм'ер-міністр Францыі)
Зараз ужо былы міністр Жэром Каюзак сыграў немалаважную ролю ў выбарчай кампаніі Франсуа Аланда, адным з лозунгаў якой была Поўная празрыстасць перад выбаршчыкамі. Акрамя таго, менавіта Каюзак актыўней за ўсіх падтрымліваў прапанову Аланда ўвесці 75-працэнтны падатак для мільянераў. Каб пад шквалам такой крытыкі не выглядаць зусім ужо бездапаможным, Франсуа Аланд анансуе шэраг жорсткіх мер па барацьбе з карупцыяй. Рэформа, якую прапаноўвае прэзідэнт, павінна надзяліць судовую ўладу амаль неабмежаванымі паўнамоцтвамі ў барацьбе з бруднымі чыноўнікамі. Акрамя таго, дэкларацыі аб прыбытках пачнуць правяраць больш дбайна. А ўсякі, каго зловяць на крадзяжы і ўхіленні ад падаткаў, ніколі больш не зможа займаць крэсла ў дзяржаўнай установе.