Яшчэ адна актуальная праблема на сёння - тэрарызм. Краіны СНД вядуць актыўную барацьбу з галоўнай пагрозай XXI стагоддзя. На межах краін Садружнасці ўстановяць кантроль за падазронымі ў дачыненні да тэрарызму. Кіраўнік Антытэрарыстычнага цэнтра СНД генерал-палкоўнік Андрэй Новікаў заявіў, што "цэнтр прапаноўвае здзяйсняць на пастаяннай аснове, у тым ліку ў экстранным парадку, пастаноўку на кантроль ва ўсіх пунктах пропуску праз дзяржаўныя межы дзяржаў - удзельнікаў СНД асоб, якія падазраюцца ў дачыненні да дзейнасці тэрарыстычных арганізацый".
Паміж органамі бяспекі дзяржаў СНД наладжаны рэгулярны абмен інфармацыяй аб месцах дыслакацыі баз падрыхтоўкі баевікоў, метадах іх навучання. Выяўляюцца каналы транспарціроўкі зброі, фінансавання і тэхнічнай дапамогі тэрарыстам. Таксама ідзе інфармацыйнае процідзеянне.
