У Кітаі вытворцы галоўнага ласунка свята сярэдзіны восені змушаныя змяняць маркетынгавую стратэгію. А ўсё ад таго, што па гастранамічным сімвале свята стукнула барацьба з растратамі.
Падрабязней - Дзяніс Бальшакоў.
Гэта раней вытворцы месячных пернікаў, па-кітайску юебін, доўга не думалі над рэцэптам. Усё роўна, які смак у іх прадукцыі, яе раскупяць чыноўнікі на падарункі, прычым па любой цане. Грошы ж казённыя. Зараз стратэгія змяняецца. А разам з ёй і начынні для пернікаў. Больш за ўсё кліенты шануюць гуандунскія рэцэпты. За багацце смаку. Пякарня Liang Xiang Lou ў перадсвяточны перыяд вырабляе да 400 000 пернікаў за дзень. Кіраўнік кампаніі гаворыць, што паніжэнне заказаў ад дзяржсектара ніяк не адбілася на продажах.
За месяц да свята Цэнтральная камісія КПК па праверцы дысцыпліны запатрабавала ад чыноўнікаў не рабіць і не прымаць дарагіх падарункаў. І адмовіцца ад раскошных банкетаў за кошт дзяржавы. У выніку сёлета асартымент выпечкі і цэны значна змяніліся. Элітныя пернікі амаль цалкам зніклі з прылаўкаў. А прадаўцы накіравалі позіркі ў Інтэрнэт і нават за мяжу.
Пакуль што ў Liang Xiang Lou за мяжу ідзе толькі 10% прадукцыі. Але сітуацыя, паводле слоў экспертаў, можа хутка змяніцца. Месячныя пернікі паступова знаходзяць сваю нішу і ў тых краінах, дзе свята сярэдзіны восені адзначае толькі кітайская дыяспара.
Сёлета за мяжу сыйшло 1300 тон пернікаў на дзесяць мільёнаў долараў. Вытворцы сталі арыентавацца на моладзь, правялі спецыяльныя даследаванні кулінарных прыхільнасцяў. Да выпечкі далучыліся нават сусветна вядомыя кавярні. Яны прапанавалі кліентам месячныя пернікі на заходні манер. І, судзячы па выручцы, такая прапанова прыйшлася публіцы да спадобы.
