Гаваі скаланула моцнае землетрасенне магнітудай 6,9. Падземныя штуршкі справакавалі шторм у моры, але пагрозы цунамі няма. Эпіцэнтр стыхіі знаходзіўся за 17 кіламетраў ад гавайскага Вялікага вострава. Землетрасенне стала самым моцным з 1975 года, калі прыкладна ў той жа вобласці зафіксавалі прыродны катаклізм магнітудай 7,1. На найбуйнейшым востраве архіпелага пры гэтым працягвае вывяргацца вулкан Кілаўэа. Аб’яўлена надзвычайнае становішча. Мясцовых жыхароў эвакуіруюць.
Паблізу ад вулкана быў зафіксаваны вельмі высокі ўзровень дыяксіду серы. Гэта ўяўляе небяспеку для мясцовых жыхароў. Шматлікія дарогі на востраве часова перакрытыя - яны пакрыліся расколінамі. Кілаўэа лічаць адным з самых актыўных вулканаў у свеце. За апошнія 10 гадоў гэта ўжо 5 вывяржэнне.
