Фізікі спрабуюць разгадаць загадку смерці Івана Грознага

Фізікі з расійскага Інстытута ядзерных даследаванняў у Дубне прыступілі да вывучэння праху Івана Грознага. Мяркуецца правесці ізатопны аналіз астанкаў і з яго дапамогай вырашыць шэраг загадак, звязаных з жыццём і смерцю гэтага рускага цара. Гісторыкамі дагэтуль вядуцца спрэчкі: ці сапраўды цар пры жыцці аддаваўся празмернасцям, якія звялі яго ў магілу? Або, як гавораць некаторыя храністы, усяму прычынай атручванне? Хімікі ўжо правяралі косці Грознага на ўтрыманне свінцу і ртуці, аднак, да адназначнага выніку не прыйшлі: утрыманне было павышаным, але цяжкія металы маглі трапіць у астанкі ўжо пасля смерці. Ізатопны аналіз больш дакладны і, цалкам верагодна, дазволіць, нарэшце, разгадаць таямніцу смерці грознага цара.