Пандэмія нікуды не дзелася. Як прагрэсіўны Захад спрабаваў змагацца з вірусам, мы добра памятаем. Зараз еўрапейцам прыйдзецца зноў напружыцца. Сусветная арганізацыя аховы здароўя нагадвае пра вакцынацыю і адначасова папярэджвае: у найбліжэйшыя месяцы ў Еўропе і краінах Сярэдняй Азіі чакаецца рэзкае павелічэнне смерцяў з-за каранавіруса. Аднак паколькі эканомікі шматлікіх краін проста не вытрымаюць чарговых лакдаўнаў, вырашана не закрываць гандлёвыя цэнтры, магазіны, а закрыць беспаспартнікаў - тых, хто не прышчапіўся па якіх-небудзь прычынах.
І вось такія меры, мяркуюць эксперты, ускладняць жыццё як мінімум 240 мільёнам чалавек. СААЗ выступіла супраць дыскрымінацыі непрывітай часткі насельніцтва. Што, зрэшты, мала хвалюе некаторыя краіны, якія ўсіх вучаць захаванню правоў і свабод чалавека. Як жорсткая палітыка абмежаванняў прывяла да кавідных бунтаў - у рубрыцы Кацярыны Ціхаміравай.
