Масква прад’явіла доказы таго, што атака ў Ідлібе насіла пастановачны характар. Як паведаміў пастаянны прадстаўнік Расіі ў Арганізацыі па забароне хімічнай зброі, пасля прымянення зарыну ў пацярпелых звужаюцца зрэнкі. А на фатаграфіях відаць, што ў дзяцей зрэнкі пашыраныя.
Падчас атакі ў горадзе Хан-Шэйхун 4 красавіка загінулі каля 100 чалавек. Дамаск адмаўляе дачыненне да хімічнай атакі. Расія заявіла, што сірыйская авіяцыя магла разбамбіць склад хімзброі паўстанцаў. Міратворцы прыйшлі да высновы, што выкарыстоўваўся зарын альбо аналагічнае рэчыва нервова-паралітычнага дзеяння.
