Першая эстафета для Дар'і Домрачавай. Жаночая зборная Беларусі па біятлоне сёння выступіць у каманднай гонцы 4 па 6 кіламетраў у нямецкім Рупальдынгу. Гэтыя спаборніцтвы стануць другімі ў праграме пятага этапу Кубка свету. За нашу зборную ўпершыню ў сезоне пабяжыць эстафету трохразовая алімпійская чэмпіёнка Дар'я Домрачава. У стартавым лісце гонкі лідар каманды значыцца на трэцім этапе. На першым Надзея Скардзіна, затым Надзея Пісарава. Завяршальны этап трэнерскі штаб даручыў Ірыне Крыўко.
У прамым эфіры за жаночай эстафетай можна будзе сачыць на тэлеканале "Беларусь 5" у 16:20.
