У Сочы адбылася цырымонія ўзнагароджання нашых спартсменак

16 Лютага 2014

Фенаменальныя выступленні нашых спартсменак - Дашы Домрачавай, Надзеі Скардзіна і Алы Цупер - па-ранейшаму застаюцца самымі папулярнымі. Напярэдадні вечарам у Сочы адбылася ўрачыстая цырымонія ўзнагароджання беларускіх прыгажунь - самых хуткіх, самых дакладных і самых адважных.


Расказвае Іван Міхайлаў: У Сочы прадаўжаюць грымець водгласы пятніцкага выступлення зборнай Беларусі на Алімпіядзе. Учора тут, у Алімпійскім парку, быў самы сапраўдны беларускі вечар. На п'едэстал па медалі падняліся адразу тры нашы суайчынніцы, пры гэтым двойчы, такога яшчэ не было ніколі, гучаў гімн Беларусі.


Зараз ужо сапраўды можна сказаць, што біятлон адзін з нашых нацыянальных відаў спорту. Спачатку цудоўна Дар'я Домрачава стала тут, у Сочы, алімпійскай чэмпіёнкай у гонцы праследавання, а праз 2 дні ў такім жа феерычным стылі яна выйграе індывідуальную гонку. Спартыўны свет на адзін голас гаворыць: Вось яна, каралева біятлона!


Але то быў сапраўды беларускі дзень, бо ў нашай зборнай - лепшы ў біятлонным свеце снайпер. Надзея Скардзіна паводле традыцыі адстраляла на нуль на ўсіх межах і стала бронзавай прызёркай 22 зімовых Алімпійскіх гульняў. Пазней Надзея прызнаецца. Яна заўсёды марыла стаяць на подыуме са сваёй сяброўкай.


Цырымонія ўзнагароджання на Алімпіядзе мерапрыемства не менш папулярная, чым, напрыклад, хакейныя спаборніцтвы. Учора тут сабралася вялізная колькасць балельшчыкаў і ўсе яны сталі сведкамі трыумфу беларускага спорту. Першымі на п'едэстал ідуць Надзея Скардзіна і Дар'я Домрачава.


Ледзь пазней у мікст-зоне беларускія біятланісткі, якія за гэтыя дні раздалі, мабыць сотні інтэрв'ю, прызнаюцца, што гэта тое самае імгненне, дзеля якога працавалі доўгія гады.


А праз некалькі хвілін у Алімпійскім сочынскім парку зноў гучаў гімн Беларусі. Наша фрыстайлістка Ала Цупер, выканаўшы неверагодны скачок, пакінула ззаду ў акрабатыцы ўсіх масцітых фаварытак. Пятая Алімпіяда для ўслаўленай спартсменкі стала сапраўднай зорнай гадзінай.


На сённяшні дзень у скарбонцы зборнай Беларусі на Алімпіядзе ў Сочы чатыры медалі, тры з якіх залатыя. Гэта ўжо абсалютна лепшы вынік у гісторыі айчынных зімовых відаў спорту і яшчэ не вечар. Зусім хутка пачнуцца спаборніцтвы ў фрыстайлістаў мужчын, ды і Дар'я Домрачава з Надзеяй Скардзіна правядуць яшчэ тры гонкі.