Літаральна праз некалькі хвілін вырашыцца лёс зборнай Беларусі па футзале за выхад у плэй-оф на чэмпіянаце свету. Матч супраць Аўстраліі праходзіць у Палацы спорту. Прамую трансляцыю сустрэчы вядзе тэлеканал "Беларусь 5". Вынікі паядынку мы агучым ледзь пазней.
За гульнёй пільна сочыць наш карэспандэнт Андрэй Казлоў. І ў яго ўсе падрабязнасці. Яшчэ адна наша спартыўная пляцоўка - Палац спорту - у бліжэйшыя дні - адзін з цэнтраў чэмпіянату свету па футзале. Выхадны дзень і надвор'е, якое крыху палепшылася, толькі падштурхнулі цікавасць балельшчыкаў да матчаў групы А. Бо ўсе ведаюць, што ў гэтым квартэце гуляе зборная Беларусі.
Унутры арэн гэтак жа, як і на іншых пляцоўках чэмпіянату, яблыку ўпасці няма дзе. Тым больш найважнейшыя матчы турніру пачынаюцца сёння. У касы па білеты звяртаюцца на працягу ўсяго дня.
На трыбунах Палаца спорту адшукалі і гасцей беларускай сталіцы. Заўзятых прыхільнікаў бразільскай каманды.
Наогул, госці мінскага чэмпіянату свету не раз пахвальна адзываліся аб арганізацыі турніру, як напрыклад, кіраўнік судзейскага камітэта Адзіліа Хіменес
Сярод гледачоў не аказалася гульцоў зборнай Беларусі - гавораць, яны схаваліся ў падтрыбунным памяшканні, каб як след падрыхтавацца да матчу. А вось аўстралійцы, нашы сапернікі, не адмовілі сабе ў задавальненні паглядзець матч з удзелам уругвайцаў і бразільцаў. І калі б учора беларусы абгулялі Уругвай, то зараз матч з Аўстраліяй, аўтсайдарам групы, успрымалі як размінку перад плэй-оф.
Уругвай паказаў клас і ў матчы з бразільцамі, 2:1. І ўжо сапраўды застанецца на першым месцы ў сваёй групе.
На матч Бразіліі і Уругвая многія прыйшлі і для таго, каб размяц галасавыя звязкі перад цэнтральнай бітвай заключнага тура. Для беларусаў, дзеючых чэмпіёнаў Еўропы, наступае гадзіна ікс. Альбо ўсё - альбо нічога.
У Палац спорту прыходзілі гледачы, якія хацелі паглядзець на тых, хто лепш за іншых валодае футзальным снарадам. Бо футзала - гэта футбол у залах. А ў футболе лацінаамерыканцы, што бразільцы, што уругвайцы, добрыя. Чвэрцьфіналы чэмпіянату свету пройдуць 22 красавіка.
