12 стадыёнаў, 32 каманды, 64 матчы і адзін галоўны трафей. У Бразіліі стартаваў чэмпіянат свету па футболе. Гэтая краіна стала пятай у гісторыі, якая прымае планетарнае першынство другі раз.
Кароткая, але яркая цырымонія адкрыцця, першы ўдар па мячы паралізаванага хлопчыка, які стаў гістарычным, і першая перамога на турніры - Алена Гарэльчык з падрабязнасцямі.
65 тысяч гледачоў і мільёны тэлегледачоў па ўсім свеце, больш за 600 артыстаў - гімнастаў, акрабатаў, танцораў капаэйры, 25-хвіліннае шоу коштам каля 9 мільёнаў долараў - так пачаўся юбілейны 20 чэмпіянат свету па футболе.
Экзатычныя трапічныя расліны велічэзных памераў, блакітныя кветкі і, натуральна індзейцы гуарані на лодках. На стадыёне Карынціянс загучалі нацыянальныя бразільскія матывы. І, вядома ж, капаэйра - баявое мастацтва, прыдуманае рабамі, якім забаранялі насіць зброю.
Але галоўнае ў гэтай цырымоніі было нават не буянне фарбаў і танцаў. Адказ пратэстуючым, якія крытыкавалі ўрад Бразіліі за выдаткі на мундыяль, далі ўрачы і навукоўцы. Першы дотык па мячы зрабіў хлопчык, ногі якога паралізаваныя. Дакрануцца да футбола яму дапамог спецыяльны касцюм - экзаскелет. Ён кіруецца прытомнасцю.
Са свістком суддзі, які паказаў артыстам чырвоную картку і выдаліў усіх з поля, на арэну выбеглі мячыкі. А на галоўным вялізным мячы, які ўсю цырымонію знаходзіўся ў цэнтры поля, адзін за адным сталі з'яўляцца флагі краін - удзельніц чэмпіянату свету.
І апафеоз цырымоніі - мяч раскрыўся, і з яго з'явілася трыа. Джэніфер Лопес, Пітбуль і бразільская спявачка Клаўдзія Лейтэ, разам з усім стадыёнам яны выканалі гімн чэмпіянату свету.
Матч - адкрыццё мундыяля, у якім гаспадары - пяціразовыя чэмпіёны свету - прымалі каманду Харватыі, таксама пачаўся з кранальнага моманту. У паветра былі запушчаны тры белыя голубы - сімвал міру.
Такога пачатку балельшчыкі бразільскай зборнай і ўявіць сабе не маглі. Іх каманда прапусціла на 11-ай хвіліне першага тайма, прапусціла ад свайго жа гульца - Марсела няўдала падставіў нагу ў сваёй штрафной. І ўжо сапраўды ўвойдзе ў гісторыю, як аўтар першага аўтагола бразільцаў на чэмпіянатах свету. Радасць харватаў была нядоўгай. Неўзабаве Неймар лік зраўняў, а ў другім тайме і ўвогуле вывеў наперад. Кропку ў матчы паставіў Оскар. 3:1 перамога пентакампеонаў.
Сёння ў барацьбу ўступяць яшчэ шэсць каманд. Першымі згуляюць мексіканцы і зборная Камеруна. Дзеючыя чэмпіёны свету іспанцы пачнуць барацьбу на турніры матчам з галандцамі, завершаць гульнявы дзень чылійцы і аўстралійцы.
