У сталіцу Алімпіяды адправіліся самыя грацыёзныя спартсменкі нашай каманды

5 Жніўня 2016

І пачнем з самай доўгачаканай спартыўнай падзеі лета: ужо сёння ў Рыа-дэ-Жанейра стартуюць Алімпійскія гульні. Афіцыйнае адкрыццё прызначана на вечар, але беларусы праз розніцу ў часе ўбачаць відовішчнае шоу ў гадзіну 15 ночы. Прамую трансляцыю будзе весці тэлеканал "Беларусь 1". А ў гэтыя хвіліны ў Бразіліі пачынаюцца кваліфікацыйныя спаборніцтвы з удзелам нашых спартсменаў. Першым на старт выходзіць вопытны стралок з лука Антон Прылепаў.

Тым часам у сталіцу Алімпіяды працягваюць прыбываць беларускія майстры розных відаў спорту. І сёння ў Рыа адправіліся самыя грацыёзныя спартсменкі нашай каманды - гімнасткі. Гэты від спорту заўсёды быў медальным для Беларусі. Разам з мастачкамі ляціць каманда па скачках у ваду (гэта Яўген Каралёў і Вадзім Каптур) і лёгкаатлеткі (Алена Собалева і Ірына Васькоўская).

У шляху нашы спартсмены правядуць амаль суткі. Дарэчы, галоўны трэнер зборнай Беларусі па мастацкай гімнастыцы Ірына Ляпарская паведаміла, што нават у аэрапорце Франкфурта мастачкі паспеюць правесці трэніроўку. Свет з нецярпеннем чакае старту Алімпіяды - цырымонія адкрыцця Гульняў пачнецца праз 10 гадзін. Нагадаем, Белтэлерадыёкампанія будзе весці кругласутачныя трансляцыі. Ужо сёння адразу пасля "Панарамы" глядзіце першы дзённік з Рыа.